“Папа добра ведае
Іспанію – разам з усімі яе драматычнымі кантрастамі, але і з яе творчай энергіяй,
як адной з самых вялікіх каталіцкіх краін”, - сказала намеснік галоўнага рэдактара
іспанскага выдання “Osservatore Romano” Марта Лаго, у інтэрв'ю газеце “La Razon”.
Іспанія
падчас Сусветных дзён моладзі 16-21 жніўня “пакажа тое самае лепшае, што мае ў сабе”,
- адзначыла з перакананнем журналіст. Іспанская каталіцкая моладзь атрымае магчымасць
падзяліцца сваім энтузіязмам і радасцю з аднагодкамі з розных краін.
Папа,
які прыбудзе ў Іспанію 18 жніўня, безумоўна пасадзенічае агульнаму добраму настрою:
“Я думаю, - сказала нам. рэдактара - што мы будзем мець дачыненне з зусім новым падарожжам
Папы, якое зламае стэрэатыпы і прыемна здзівіць”.
Іспанскія СМІ каментуюць
Сусветныя дні моладзі шырока і вельмі па-рознаму. Хапае таксама крытычных публікацый.
Аднак, з іншага боку, адчувальныя намаганні касцёльных лідэраў, якія спрабуюць будаваць
масты, у тым ліку з крытыкамі. У рэшце рэшт, у складанай сітуацыі, у якой апынулася
іспанская моладзь, Касцёл прадстаўляецца як сіла надзеі. Асноўнай праблемай Іспаніі
з'яўляецца эканамічны крызіс і яго ўплыў на рынак працы. Узровень беспрацоўя сярод
моладзі – 40%. Ён з'яўляецца самым высокім у ЕС.
Арцыбіскуп Мадрыда кардынал
Антоніа Марыя Руоко Варэла адзначыў, што маладыя пілігрымы з усяго свету, прыедуць
у Іспанію з тымі ж праблемамі і тымі ж пытаннямі, якія мае іспанская моладзь. "Гэта
агульны негатыўны настрой, які пануе сёння сярод усёй еўрапейскай моладзі", - сказаў
іерарх. У сувязі з чым, Сусветныя дні моладзі павінны стаць крыніцай надзеі і натхнення
для маладых людзей Еўропы.