Kisha Katolike e Kosovës ngushëllon Familjen e Enver Zymberit
Jemi dëshmitarë, fatkeqësisht edhe sot, të ngjarjeve tragjike, të cilat po ndodhin
në vendin tonë, siç është rasti i vrasjes së policit Enver Zymberit, tashmë heroit
të Shtetit të Kosovës. Ipeshkvia e Kosovës, me këtë rast, shpreh ngushëllimet
për humbjen e këtij polici që ishte në mbrojtje të Vendit tonë, si dhe apelon që më
në fund të vijë deri te një paqe e qëndrueshme dhe rastet e tilla tragjike të mos
përsëriten, sepse populli edhe kështu është i lënduar në shpirt për shumë e shumë
humbje, të cilave edhe sot nuk u dihet fare fati. Ne, si Kishë e Kosovës, i lutemi
Zotit për shpirtin e tij dhe ngushëllojmë familjen e tij fisnike, si dhe mbarë qytetarët
e Kosovës. Zyra Ipeshkvnore e Kosovës