Германія: праваслаўны Мітрапаліт вітае “братэрскія жэсты” Папы
Старшыня Праваслаўнай
біскупскай канферэнцыі Германіі, Мітрапаліт Аўгусцінас, чакае ад візіту папы Бэнэдыкта
XVI у Германію новых імпульсаў для дыялогу паміж Каталіцкім Касцёлам і Праваслаўнай
Царквой. Тое, што Святы Айцец падчас свайго вераснёўскага візіту, жадае сустрэцца
таксама і з праваслаўнымі біскупамі, з'яўляецца “прыгожым і ідучым далёка за межы
пратаколу братэрскім жэстам Папы”, падкрэсліў грэцка-праваслаўны Мітрапаліт у размове
з нямецкім каталіцкім інфармацыйным агенцтвам “KNA”. Ён дадаў: “Для мяне, гэта з'яўляецца
прыкметай растучага ўзаемапаразумення ў праваслаўна-каталіцкіх адносінах”.
Папа
будзе знаходзіцца з 22 па 25 верасня ў сваёй роднай краіне. Яго сустрэча з прадстаўнікамі
праваслаўя запланавана на 24 верасня ў Фрайбургу. На думку Мітрапаліта Аўгусцінаса,
інтэнсіўная праграма візіту Папы, вядома, не пакіне месца на доўгія тэматычныя дыскусіі.
Але ён хацеў бы скарыстацца магчымасцю, каб паведаміць Святому Айцу аб стварэнні і
мэтах канферэнцыі праваслаўных біскупаў, у якой “працуюць разам десять розных епархій
адной Праваслаўнай Царквы”. На сустрэчу з Бэнэдыктам XVI запрошаны 19 біскупаў з розных
традыцый: грэцкай, рускай, сербскай і румынскай.
Мітрапаліт Аўгусцінас не раз
заяўляў аб сваёй прыхільнасці справе экуменізму, які, на яго думку, можа і павінен
змяняць Царкву і грамадства.