Арцыбіскуп Гуджэроцці выказаў спачуванні ў сувязі са смерцю кардынала Свёнтка
Новы Апостальскі нунцый
у Беларусі, арцыбіскуп Клаўдыё Гуджэроцці выказаў свае спачуванні ў сувязі са смерцю
кардынала Свёнтка. Ад яго імя гэта зрабіў кс. прэлат Крыспін Дубель, часовы павераны
Апостальскай Нунцыятуры ў Мінску. Іерарх напісаў: “Смерць ксяндза кардынала напоўніла
нас смуткам, але таксама дае магчымасць паглядзець на гісторыю Каталіцкага Касцёла
ў Беларусі і ацаніць яго пастырскую паслугу ў часы, калі пасля гадоў пераследу з’явілася
магчымасць абвяшчаць Божае слова, удзяляць сакрамэнты і будаваць святыні”.
“Молімся
сёння разам, каб Езус Хрыстус, Найвышэйшы Святар, прыняў яго да хвалы жыцця вечнага
як вернага вестуна Добрай Навіны. Няхай нашае малітоўнае засяроджанне і пакінуты прыклад
ксяндза кардынала ўмацоўвае нас усіх у часовым крочанні па шляхах евангелізацыі сучаснага
свету”, - напісана ў спачуванні, дасланым Апостальскай Нунцыятурай на імя Старшыні
Канферэнцыі Каталіцкіх Біскупаў у Беларусі.