Norvegji: Papa, ta braktisim përgjithmonë logjikën e së keqes.
Sot paradite gjatë lutjes së Engjëllit të Tënzot, Benedikti XVI, duke përmendur masakrën
që ndodhi para dy ditësh në Norvegji, bëri thirrje që të braktiset përgjithmonë logjika
e së keqes dhe e urrejtjes. “Mjerisht, edhe një herë - tha Papa – arrijnë lajme të
vdekjes e të dhunës”. “Të gjithë – shtoi Ati i Shenjtë Ratcinger - provojmë e përjetojmë
një dhimbje të thellë për aktet e rënda terroriste që ndodhën të premten” e kaluar
në Norvegji. T’i lutemi Hyjit për viktimat, për të plagosurit e për të dashurit e
tyre. Të gjithëve dua t’u përsëris edhe një herë thirrjen time të përzemërt e të prerë
për ta braktisur përgjithmonë udhën e urrejtjes e për t’i ikur logjikës së keqes”.