Tmerr në Norvegji: mbi 93 të vdekur në një atentat të dyfishtë
Norvegjia është e tronditur nga sulmet që ndodhën të premten në qendër të Oslos me
një shpërthim të fuqishëm para selisë së qeverisë. Shumë zyra, duke përfshirë edhe
atë të kryeministrit norvegjez, janë dëshmuar. Një tjetër bombë, e pa shpërthyer,
është gjetur afër selisë së televizionit publik. Qendra e Oslos është evakuuar vetem
pas 90 minutash por tmerri u përsërit në ishullin Utoya. Së paku 93 të vdekur,
ky është bilanci i viktimave të atentatit të dyfishtë në Norvegji. 20 persona tjerë
janë në gjendje të rëndë shëndetësore të shtruar në Poliklinikën universitare të Oslsos.
Autoritetet shëndetësore pohojnë se gjithsejtë në spital janë shtruar 30 persona që
i janë nënshtruar terapive. Policia, që tani për tani përjashton lidhjet e këtyre
atentateve me terrorizmin islamik, ka arrestuar një të ri 32 vjeç norvegjezë. Sipas
mjeteve të ndryshme të informacionit, megjithëse identiteti i atentatorit nuk është
konfirmuar ende nga autoritetet lokale, është fjala për Anders Behring Breivik, një
i ri nacionalist i të djathtës ekstreme, i cili u ndal menjëherë pas të shtënave dje
në ishullin Utoya. Njeriu konsiderohet përgjegjës për shpërthimin e bombës në qendër
të Oslos. Një personi i armatosur me thikë është ndal nga policia, në ishullin teatër
i të shtënave. Kryeministri norvegjez Jens Stoltenberg nuk ka dyshim: sulmi që
kanë goditur Vendin me atentat të dyfishtë të premten në Oslo e në ishullin Utoya
është një “tragjedi kombëtare” të cilën personalisht ai e ka përjetuar. Si kryetar
i qeverisë, ndoshta edhe objektivi i mundshëm i njërit prej atentateve, në qendër
të kryeqytetit me shpërthimin e një autobombe, pikërisht dy hapa larg zyrave të tij.
Sot kryeministri Stoltenberg vizitoi ishullin Utoya, ashtu edhe mbreti i Norvegjisë,
Haraldi V e mbretëresha Sonia, për t’i nderuar viktimat e masakrës. Stoltenberg kujtoi
se “kurrë që nga lufta e dytë botërore Vendi ynë nuk është goditur nga një krim me
përmasa të tilla”. E skenari është ai i një lufte. Policia vazhdon hetimet e të gjitha
pistat e prejardhjes së këtyre akteve kriminele janë të hapura.