Ватыкан: больш інвеставаць у краіны з высокім узроўнем СНІДу
Новы сакратар Папскай
рады пастырства работнікаў сферы аховы здароўя кс. Жан Мары Мупэндавату заклікаў ўрады
і міжнародныя арганізацыі да больш шырокага ўдзелу ў барацьбе са СНІДам. На яго думку,
трэба значна павялічыць інвестыцыі ў тыя афрыканскія краіны, дзе асабліва распаўсюджана
хвароба імуннай недастатковасці. 20 ліпеня ў Рыме завяршылася сустрэча "Міжнароднага
таварыства па СНІДзе". Сакратар Папскай рады заклікаў да свабоднага доступу да лекаў
ад СНІДу для патрабуючых.
Эканамічная падтрымка краін з высокім узроўнем СНІДу
праз інвестыцыі ў сферу аховы здароўя да гэтага часу ігнаравалася, падкрэсліў ватыканскі
супрацоўнік. Большасць хворых на СНІД у Афрыцы маюць асабісты бюджэт меншы за адзін
доллар ЗША ў дзень і не ў стане плаціць за лячэнне.
У той жа час кс. Мупэндавату
выказаўся за цеснае супрацоўніцтва паміж Касцёлам і навукай у барацьбе са СНІДам.
Толькі медыцынскае абслугоўванне ВІЧ-інфіцыраваных і хворых на СНІД недастаткова,
яны патрабуюць таксама псіхалагічнай, сацыяльнай і духоўнай падтрымкі з боку Касцёла.
У
фокусе дзейнасці Касцёла ў барацьбе супраць СНІДу, у першую чаргу, адукацыйныя праграмы,
накіраваныя на адказнае выкарыстанне сексуальнасці. Без гэтага, многія медыцынскія
поспехі не прынясуць вынікаў.
Кс. Жан Мары Мупэндавату мае 56 гадоў і паходзіць
з Конга. На мінулым тыдні ён быў прызначаны папай Бэнэдыктам XVІ сакратаром Папскай
рады пастырства работнікаў сферы аховы здароўя.