“На працягу ХХ ст.
кардынал Свёнтэк быў сапраўдным сведкам веры”, - сказаў дапаможны біскуп Мінска-Магілёўскай
архідыяцэзіі Антоні Дзям’янка ў інтэрв’ю польскаму каталіцкаму інфармацыйнаму агенству
“КАІ”. Кардынал некалькі дзесяцігоддзяў выконваў святарскія абавязкі ў “Касцёле маўчання”,-
сказаў іерарх.
“Я памятаю кардынала Свёнтка, яшчэ калі быў хлопцам. - падзяліўся
успамінамі біскуп - Былі камуністычныя часы. Са 180 святароў, якія працавалі ў Пінскай
дыяцэзіі перад вайной, засталіся толькі 12. Кардынал прыехаў ў вёску Дзераўное, да
майго выхавацеля кс. Вацлава Пянткоўскага. Тады я сустрэў яго першы раз. Потым, у
1981 г., ужо як ксёндз я сустракаў яго ў пінскай катэдры. Кардынал тады шмат працаваў
над аднаўленнем гэтай святыні. Я бачыў, як ён асабіста рамантаваў дах катэдры. Дзякуючы
яму быў прыгожа адноўлены інтэр’ер касцёла і адрэстаўраваны арган. Праз прыгажосць
сакральнага мастацтва, ён спрабаваў прыцягнуць людзей да Бога. Ён добра гаварыў і
быў цудоўным прапаведнікам”, - расказаў біскуп Антоні Дзям’янка.
Іерарх адзначыў,
што менавіта кардынал Свёнтэк кансэкраваў яго на біскупа. Разам з ім біскуп працаваў
у якасці генеральнага сакратара беларускага епіскапата, а таксама выконваў абавязкі
дапаможнага біскупа Мінска-Магілёўскай архідыяцэзіі. “Я часта яго наведваў. Яшчэ на
гэтым тыдні я быў у бальніцы, уякой знаходзіўся кардынал. Ён неахвотна звяртаўся да
ўспамінаў звязаных са шматлікімі гадамі цярпенняў. Адзначаўся незвычайнай марыйнай
пабожнасцю. Менавіта з яго ініцыятывы на Беларусі адрадзіліся шматлікія марыйныя санктуарыі”,
- расказаў біскуп Антоні Дзям’янка.