Венгрыя: парламент зацвердзіў новы закон аб рэлігіях
Парламент Венгрыі
надаў статус “афіцыйных” 14 рэлігійным арганізацыям, якія дзейнічаюць у краіне. Гэта
стала вынікам новага закону, прынятага парламентам краіны, які значна скарачае колькасць
афіцыйна зацверджаных рэлігійных асацыяцый і арганізацый. Да гэтага часу ў Венгрыі
іх было каля 350.
Канфесіі, якія атрымалі афіцыйную рэгістрацыю, маюць права
на датацыі з дзяржаўнага бюджэту. “Новы закон распачаў новую эру ў рэлігійным жыцці
краіны”, - сказаў пасля галасавання ў парламенце намеснік прэм’ер-міністра Зсолт Сэм’ен,
католік па веравызнанні.
У шэрагу рэлігійных супольнасцяў, прызнаных дзяржавай,
знаходзяцца: католікі, кальвіністы, лютэране і яўрэйская супольнасць, якая налічвае
тут каля 100 тыс. вернікаў. Сярод нешматколькасных рэлігійных супольнасцяў са статусам
афіцыйных знаходзяцца: праваслаўныя, баптысты, будысты і мусульмане.