“Каталіцкі Касцёл
у Пакістане, які ратуе і абараняе шматлікіх маладых хрысціян у краіне, выказвае сваю
блізкасць Фарах і яе сям”і”, - сказаў кс. Юсаф Эмануэль, старшыня камісіі “Справядлівасць
і мір” пры Канферэнцыі Біскупаў Пакістана, каментуючы выпадак, які здарыўся з маладой
дзяўчынай па імені Фарах, былой каталічкай, якую выкралі ісламскія экстрэмісты і прымусілі
прыняць іслам, каб выйсці замуж за мусульманіна. “Каталіцкі Касцёл у Пакістане зробіць
усё магчымае, каб гэты інцыдэнт вырашыўся шчасліва”, - сказаў кс. Эмануэль.
Паўль
Бхаці, спецыяльны саветнік прэм’ер-міністра па справах рэлігійных меншасцяў у Пакістане,
сказаў, што падаў афіцыйную заяву ў Вярхоўны Суд краіны, каб працэс у справе Фарах
адбыўся неадкладна. Калі дзяўчына будзе запалохана сям’ёй мужа, рашэннем суда яна
можа быць пераведзена ў спецыяльную дзяржаўную ўстанову, дзе атрымліваюць прытулак
жанчыны, якім пагражае насілле з боку сваякоў.