“Аргенціна знаходзіцца
пад пагрозай таталітарызму, які спрабуе навязаць грамадству амаральныя законы, што
супярэчаць агульнаму дабру, як напрыклад, адсутнасць пакарання за аборты”, - сказаў
арцыбіскуп Ла Плата, кардынал Гектар Рубэн Агуэр. “Краіна не можа пагадзіцца з гэтым.
- падкрэсліў іерарх, - Не ўсе дзеянні і рашэнні дэмакратычна выбранага ўрада паважаюць
правы чалавека”.
Кардынал заявіў, што “права да жыцця дзіцяці, якое павінна
нарадзіцца ў сям’і, з’яўляецца недатыкальным. У гэты трывожны час, - дадаў ён - таталітарызм
становіцца рэальнай пагрозай для аргенцінскага народа, калі прадстаўнікі ўлады не
баючыся Бога працягваюць навязваць свае рашэнні, замест таго, каб прымаць законы,
якія паважаюць маральнасць, жыццё і годнасць чалавечай асобы”.
Кардынал Агуэр
падкрэсліў, што сучаснае грамадства мае патрэбу ў этыцы ўлады, у сумленнасці і адказнасці
яе прадстаўнікоў. “Калі выкананне дзяржаўных абавязкаў не вызначаецца маральнай адказнасцю
і павагай да чалавека, то падрывае чалавечыя каштоўнасці”, - адзначыў арцыбіскуп Ла
Плата.
13 ліпеня, шматлікія арганізацыі за жыццё ў супрацоўніцтве з каталіцкімі
ўрачамі краіны, арганізавалі маніфестацыю пратэсту ў абарону ненароджаных дзяцей і
супраць абортаў.