Бельгія: забарона на нашэнне паранджы ў грамадскіх месцах
Закон аб забароне
на нашэнне паранджы ў грамадскіх месцах у Бельгіі зацверджаны і ўступіць у сілу 23
ліпеня. У чацвер тэкст закона быў апублікаваны ў афіцыйнай газеце каралеўства “Moniteur
Belge”, пасля таго як яго канчаткова зацвердзіў кароль бельгійцаў Альберт II.
Закон
цалкам забараняе “нашэнне вуалі, якая закрывае большую частку твару, у месцах грамадскага
карыстання на тэрыторыі Каралеўства Бельгія”. За парушэнне гэтага закона будзе накладацца
штраф у памеры 137,5 еўра.
Закон быў прыняты бельгійскім парламентам яшчэ ў
красавіку мінулага года, прычым дэпутаты падтрымалі яго практычна аднагалосна. Аднак
з-за зацяжнога палітычнага крызісу працэс яго ўступлення ў сілу расцягнуўся на цэлы
год.
Паводле ацэнак бельгійскіх грамадскіх арганізацый, “адрасаты” гэтага закона,
вельмі нешматлікая группа – паранджу, якая закрывае практычна ўвесь твар, у Бельгіі
носяць усяго каля 300 жанчын. Аўтары закону, аднак, падкрэсліваюць яго сімвалічны
сэнс як рэгулятара дапушчальных і непрымальных нормаў паводзін у сучасным бельгійскім
грамадстве.