Sudani Jugor njihet nga OKB-ja. Benedikti XVI i uron: paqe, liri, zhvillim!
Asambleja e Kombeve të Bashkuara, dje, në Pallatin e Qelqiti të Nju Jorkut, e pranoi
njëzëri Sudanin Jugor si vendi i 193-të anëtar. I pranishëm në këtë ngjarje të madhe,
Delegacioni i Vatikanit, kryesuar nga vëzhguesi i përhershëm, kryeipeshkvi Frensis
Çullikat, që i përcolli shtetit të ri afrikan, urimet e Papës. Benedikti XVI – pohon
prelati, përmes një komunikate – i jep bekimin hyjnor popullit dhe qeverisë së kombit
të ri, duke e uruar të përparojë në udhën e paqes, të lirisë, të zhvillimit. Përfaqësuesi
i Selisë së Shenjtë pranë OKB-së kujton edhe sfidat e mëdha, që e presin Sudanin Jugor,
ku jetojnë shumë katolikë: zgjidhja e problemit të qindra mijëra të shpërngulurve,
emergjenca shëndetësore, me përhapjen e vazhdueshme të Sidës dhe të sëmundjeve të
tjera, rindërtimi i vendit, pas viteve të gjata të luftës. Imzot Çullikat nënvizon
impenjimin e Kishës në procesin e pajtimit kombëtar dhe në veprimtarinë për asistencën
humanitare, duke pohuar se vendi duhet të ecë në rrugën e drejtësisë e të vërtetësisë,
në se dëshiron të gëzojë paqen e demokracinë.