Հասարակական ճնշումներուն դէմ չերթալով` նախանցեալ օր Վրաստանի խորհրդարանը դարձեալ փոփոխութիւններ
կատարեց շաբաթ մը առաջ փոխուած Քաղաքացիական օրէնսգիրքին մէջ` մասնակիօրէն վերցնելով
անցեալին կրօնական շարք մը համայնքներուն, որոնց շարքին Հայ առաքելական եկեղեցւոյ տրուած
կարգավիճակները: Առաջին փոփոխութիւններով կրօնական համայնքներուն տրուած էր հանրային
իրաւունքի իրաւաբանական անձի կարգավիճակ. ըստ այդ փոփոխութեանց, կրօնական համայնքը կազմակերպութիւն
է որ ՝՝անկախ՝՝ պետական վերահսկողութենէն կ՛իրականացնէ քաղաքական, պետական, ընկերային,
լուսաւորչութեան, մշակութային եւ հանրային այլ գործունէութիւններ: Բայց ահա նոր փոփոխութիւններով`
կրօնական համայնքները իրաւունք կը ստանան արձանագրուելու իբրեւ կրօնական կազմակերպութիւններ: Առաջին
փոփոխութիւններով օրինագիծին դէմ արտայայտուած էր Վրաստանի Իլիա Բ. պատրիարքը, անկէ անմիջապէս
ետք մայրաքաղաք Թիֆլիսի մէջ սկսած էին հանրահաւաքներ, որոնց ընթացքին կը հնչէին հիմնականին
մէջ հակահայ յայտարարութիւններ: