13 ліпеня ў Іраку
адзначаўся “Дзень іракскага дзіцяці”. З гэтай нагоды ЮНІСЕФ, міжнародны фонд Арганізацыі
Аб'яднаных Нацый па дапамозе дзецям, выдаў адмысловую заяву, у якой сцвярджае, што
ў Іраку, у 2008-2010 г.г. загінула амаль 900 дзяцей і больш за 3,2 тыс. атрымалі траўмы
і раненні.
Дзеці ў Іраку складаюць прыблізна 8,1% смяротных ахвяраў тэррарыстычных
нападаў. У сваім паведамленні ЮНІСЕФ выказвае “трывогу з прычыны насілля, якое парушае
правы дзяцей”. Святкаванне “Дня іракскага дзіцяці” было ўстаноўлена ААН 13 ліпеня
2005 г., калі ў выніку тэрарыстычных нападаў загінула 32 дзіцяці.
Міжнародны
фонд дапамогі дзецям ААН адзначае, што ў Іраку неаднаразова “мэтай тэрарыстычных атак
былі школы, настаўнікі, а таксама працаўнікі сферы адукацыі”. Толькі ў маі і чэрвені
гэтага года стала вядома аб 11 тэрарыстычных нападах на іракскія школы.