Расія: новы Апостальскі нунцый уручыў даверчыя граматы Прэзідэнту
Прэзідэнт Расійскай
Федэрацыі Дзмітрый Мядзведзеў канстатаваў развіццё адносін паміж Расіяй і Ватыканам.
"Гістарычныя сувязі Расіі са Святым Пасадам дынамічна развіваюцца ў фармаце зараз
ужо афіцыйных дыпламатычных адносін", - сказаў ён у чацвер, прымаючы даверчыя граматы
паслоў шэрагу дзяржаў, сярод якіх быў Апостальскі нунцый у Расіі арцыбіскуп Іван Юрковіч.
Паводле
слоў прэзідэнта, супрацоўніцтва дзвюх краін адрознівае блізкасць пазіцый "па значнай
частцы пытанняў, у тым ліку пытаннях маральных, і прававых прыярытэтаў, якія выкарыстоўваюцца
ва ўзаемаадносінах паміж дзяржавамі". "Перакананы, што на гэтай аснове мы зможам зрабіць
шмат для развіцця і пашырэння прасторы адносін прадстаўнікоў розных рэлігійных канфесій
і культур, для вырашэння самых вострых гуманітарных праблем сучаснасці", - дадаў Дзмітрый
Мядзведзеў.