Каталіцкі Касцёл у Балівіі супраць гандлю наркотыкамі
Кардынал Хуліо Сандоваль
Тэрразас, старшыня Канферэнцыі Каталіцкіх Біскупаў Балівіі скіраваў адмысловае пасланне
да грамадзян краіны, пастыраў, вернікаў і людзей добрай волі, у якім заклікае да ўзняцця
барацьбы з гандлем наркотыкамі, якія ўяўляюць сабой небяспечную пагрозу для ўсіх,
асабліва для маладога пакалення. “Мы павінны агульнымі намаганнямі, кожны па сваіх
магчымасцях і адказнасці, забараніць, знішчыць і змагацца з незаконным гандлем наркотыкамі
ў Балівіі”, - заявіў арцыбіскуп балівійскага Санта Круз дэ ла Сьерра.
Іерарх
падкрэсліў, што жыхары Балівіі павінны распачаць эфектыўныя дзеянні, каб спыніць гэтае
зло. Гандаль наркотыкамі распаўсюджваецца ва ўсіх сферах жыцця краіны і спрычыняецца
да карупцыі, злачыннасці і шматлікіх іншых незаконных дзеянняў. “Да барацьбы з гэтай
спіраллю бедства асабліва пакліканы католікі краіны, якія павінны абвяшчаць Божае
Валадарства, валадарства праўды і свабоды”, - адзначыў кардынал Хуліо Сандоваль Тэрразас.
Старшыня
Канферэнцыі Біскупаў Балівіі шмат разоў асуджаў карупцыю, гандаль наркотыкамі і тэрарызм
у краіне і заклікаў да змен, “заснаваных на адкрыцці чалавечых і хрысціянскіх каштоўнасцяў,
пачынаючы ад абароны жыцця і справядлівасці”.