Ուքրանիոյ Խորհրդարանի Նախագահը Երկօրեայ Պաշտօնական Այցելութիւն Կուտայ Հայաստան ։
Հայաստանի Ազգային ժողովի նախագահ Յովիկ Աբրահամեանի հրաւէրով երկօրեայ պաշտօնական այցելութեամբ
Երեւան ժամանեց Ուքրանիոյ խորհրդարանի նախագահ Վլատիմիր Լիթվինի գլխաւորած պատուիրակութիւնը: Ազգային
ժողովի հասարակութեան եւ տեղեկատուութեան միջոցներու հետ կապերու վարչութիւնը հաղորդեց,
որ երկու խորհրդարաններու նախագահներուն դռնփակ հանդիպման ընթացքին քննարկուեցան երկկողմանի
կապերու աշխուժացման, միջխորհրդարանական գործակցութեան խորացման առնչուող եւ երկու կողմերը
հետաքրքրող հարցեր: Դռնփակ հանդիպումէն ետք Յովիկ Աբրահամեան եւ Վլատիմիր Լիթվին մասնակցեցան
երկու երկիրներու խորհրդարանական պատուիրակութիւններու ընդլայնուած կազմով հանդիպման: