Бэнэдыкт XVI прызначыў новага арцыбіскупа Люксембургскага
Жан Клод Ольрыш, езуіт,
да гэтага часу віцэ-рэктар вышэйшай школы свайго ордэну ў Токіо, быў прызначаны 12
ліпеня папам Бэнэдыктам XVI новым арцыбіскупам Люксембургскім. Холерых стаў пераемнікам
арцыбіскупа Фернанда Франка, чыю адстаўку па прычыне сталага ўзросту адначасова прыняў
Святы Айцец. Арцыбіскуп Франк кіраваў архідыяцэзіяй з 1991 г.
Жан Клод Ольрыш
нарадзіўся 9 жніўня 1958 г. у люксембургскім Дзіфферданж (Дзіфердзінгу). Вывучаў тэалогію
ў Папскім Грыгарыянскім універсітэце ў Рыме. У 1981 г. ён уступіў у ордэн езуітаў.
З 1985 па 1989 год Ольрыш працягваў тэалагічнае навучанне ў Токіо і Франкфурце. У
1990 г. атрымаў святарскае пасвячэнне. З 2004 выкладаў нямецкую і французскую мовы
ў езуіцкім універсітэце “Сафія” у японскай сталіцы. У 2005 г. быў прадстаўніком японскай
біскупскай канферэнцыі для падрыхтоўкі Сусветных дзён моладзі ў Кёльне.
Люксембургская
дыяцэзія, якая была створана ў 1870 г., а ў 1988 г. узведзена ў ранг архідыяцэзіі,
у цяперашні час налічвае 395 тыс. католікаў. Архідыяцэзія ахоплівае ўсю тэрыторыю
Вялікага Герцагства Люксембург і падпарадкоўваецца непасрэдна Апостальскай Сталіцы,
не належачы ні да адной з біскупскіх канферэнцый.