Në Kreshmët e vitit 2012 do të fillojnë “Misionet Metropolitane” për Ungjillëzimin
e Ri evropian.
Nisma e re baritore për ungjillëzimin e ri që do të përfshijë njëkohësisht disa qytete
të mëdha evropiane më 2012 do të quhet “Misioni Metropolitan” . Kështu u nënvizua
në mbledhjen e organizuar nga presidenti i Këshillit Papnor për Promovimin e Ungjillëzimit
të Ri imzot Rino Fisichella, që mblodhi dje në selinë e dikasterit të ri në Vatikan,
kardinajt e ipeshkvijtë e Barcelonës, Budapestit, Brukselit, Dublinit, Këlnit, Lisbonës,
Liverpulit, Parisit, Torinos, Varshavës e Vjenës. Arsyen e kësaj mbledhje na shpjegon
pikërisht imzot Fisichella: “Arsyeja është shumë e thjesht: është nismë që
Këshilli Papnor për Ungjillëzimin e Ri dëshiron ta realizojë gjatë muajve të ardhshëm.
E kemi quajtur “Misioni metropolitan”, sepse me ne qenë kardinaj e ipeshkvij të ndryshëm
të qyteteve evropiane – për momentin kemi vetëm qytetet e mëdha evropiane - për të
përgatitur e koordinuar së bashku, se në çfarë mënyre t’i përgjigjemi ungjillëzimit
të ri, në situata të krizave në të cilat gjendet Evropa. Mos të harrojmë se kemi pasur
edhe dy Sinode ipeshkvnore kushtuar Evropës – njëri më 1991 e tjetri më 1999 – e
po kështu të mos të harrojmë se më 2003 i Lumi Gjon Pali II ka shkruar dokumentin
“Ecclesia in Europa” – “Kisha në Evropë”, e kjo nismë e jona vihen në të njëjtën
vazhdë, në të njëjtat valë”. Shkelësi, çka doli në pah nga ky takim që patet
në Vatikan? “Është një takim shumë interesant, sepse nisma do të artikulohet
në dy momente: angazhimi në baritorinë e zakonshme e të rregullt, e nga ana tjetër
angazhimi posaçërisht ai delikat kushtuar formimit, e, kështu në Krezhmët e vitit
2012, do të jenë 12 qytete të mëdha në Evropës, të cilat në të njëjtën kohë do të
zhvillojnë të njëjtat nisma e programe. Besoj që kjo është diçka origjinale: një shenjë
që është e përbashkët dhe bëhet në të njëjtën kohë. Me një fjalë: është përgjigja
e parë ndaj kërkesës që Papa pati bërë në Plenaren tonë të parë, kërkesa për tejkalimin
e degëzimeve apo të nismave individuale dhe dëshmia e unitetit”.