Сакратар па адносінах
з дзяржавамі Дзяржаўнага Сакратарыята Апостальскай Сталіцы арцыбіскуп Дамінік Мамбэрці
атрымаў запрашэнне наведаць Ірак з афіцыйным візітам. Пасол Ірака пры Апостальскай
Сталіцы Хабіб ас-Садр заявіў, што гэты візіт павінен адбыцца ў наступным годзе. Паводле
іракскага дыпламата, падчас візіту арцыбіскуп Мамбэрці пазнаёміцца з дзейнасцю ўрада
краіны ў справе забяспячэння бяспекі і гарантавання права на свабоду веравызнання.
“Хрысціяне
з’яўляюцца гістарычна важнай групай у нашай краіне. Акрамя таго, яны спрыяюць працэсу
дэмакратызацыі Ірака”, - сказаў пасол ас-Сард. Сярод канкрэтных спраў, якія іракскі
ўрад хоча здзейсніць у адносінах да хрысціян, спрыянне развіццю рэлігійнага турызма
і пілігрымак, асаблівым чынам на месца нараджэння Абрагама – горад Ур, які знаходзіцца
ў паўночна-усходняй частцы Ірака. Павінна развівацца таксама супрацоўніцтва і навукова-культурны
абмен паміж універсітэтамі Ірака і навучальнымі ўстановамі, якія падпарадкоўваюцца
Апостальскай Сталіцы.