Пад пагрозай удзел в’етнамцаў у Сусветных днях моладзі
Многія маладыя людзі
з В’етнама не змогуць патрапіць на Сусветныя дні моладзі, якія пройдуць у Мадрыдзе
16-21 жніўня. Па словах біскупа Юзэфа Ву Ван Т’ена, адказнага за душпастырства моладзі
ў в’етнамскім епіскапаце, большая частка моладзі краіны не зможа аплаціць кошт падарожжа
на форум. Удзел у 13-дзённай сустрэчы каштуе в’етнамскім пілігрымам 2200-2500 еўра.
Іншая праблема, з якой сустракаюцца в’етнамскія пілігрымы, мае бюракратычны
характар: іспанскае пасольства ў В’етнаме выдае візы толькі пасля рэгістрацыі арганізатарамі
Сусветных дзён моладзі. Сітуацыя ўскладняецца тым, што грамадзянам В’етнама забаронена
пераводзіць грошы за межы краіны.