У выніку авіякатастрофы,
якая адбылася 8 ліпеня ў Дэмакратычнай Рэспубліцы Конга, сярод 72 загінуўшых пасажыраў
быў біскуп Ісангі Каміль Лембі Занэлі. “Боінг 727”, авіакампаніі “Hewa Bora”, які
здзяйсняў рэйс з Кіншасы ў Кісангані, разбіўся пры спробе прызямліцца ва ўмовах кепскага
надвор’я. У выніку авіякатастрофы жывымі засталося каля 40 са 112 пасажыраў .
Біскуп
Каміль Лембі Занэлі, атрымаў святарскае пасвячэнне 30 верасня 1979 г.. Выкладаў у
мясцовых духоўных семінарыях. У 2000 г. папа Ян Павел ІІ прызначыў яго біскупам Ісангі,
у Конга. Згодна з дадзенымі за 2006 г., на тэрыторыі дыяцэзіі пражывае 720 тыс. чалавек,
з якіх 100 тыс. ахрышчаныя.