Papa filloi pushimet verore në Kastel Gandolfo. Veprimtaritë e ardhshme.
Benedikti XVI u nis dje pasdite me helikopter nga Vatikani, për në Kastel Gandolfo,
seli verore e papëve, ku arriti në orën 18.00. Këtu do të kalojë një periudhë pushimi,
pas veprimtarive të dendura të një viti të gjatë pune. Sapo arriti në selinë papnore,
u duk në ballkonin që bie mbi Sheshin e Kastel Gandolfos, për të përshëndetur besimtarët
që, sipas traditës, ishin mbledhur për t’i uruar mirëseardhjen: “Faleminderit
miq, ju uroj të gjithëve: mirëmbrëma. Sapo arrita, për të filluar pushimet e mia e
këtu unë gjej gjithçka: malin, liqenin, detin, një Kishë të bukur me fasadë të re,
e, sidomos, gjej njerëz të mirë. E kështu jam tejet i lumtur që erdha mes jush. Shpresojmë
se Zoti do të na dhurojë pushime të gëzuara. Ju jap me gjithë zemër, bekimin tim.
Ju bekoftë Zoti i gjithëpushtetshëm, Ati e Biri e Shpirti Shenjt. Mbrëmje të gëzuar!
Faleminderit”.