Քահանայապետական ամառանոցը պատմութեամբ լի վայր մը -

Պենետիկտոս ԺԶ Քահանայապետը շուրջ 3 ամիս պիտի անցնէ Գասթել Կանտոլֆօյի ամարանոցը։ Բնակարանը կառուցուած է Դոմիտիանոս կայսեր (81-96)ի կալուածին վրայ։ Ներկայ քահանայապետական պալատը արդիւնքն է երեք կալուածներու միաւորումին. Առաքելական պալատ, Վիլլա Չիպօ կցուած 1773ին եւ Վիլլա Պարպերինի` 1929ին։
Գասթել Կանտոլֆօ անուանակոչումը կու գայ հռոմէացի Կանտոլֆի տոհմէն, որ 12րդ դարուն աշտարակ մը բարձրացուցած էր։ 1596ին Քահանայապետը ձեռք բերած էր զայն։ Աղեքսանտր 7-րդ Քահանայապետը (1655-1667) այդ վայրին առաջինը բնակողը եղաւ։ 19-րդ դարու սկիզբը Նաբոլէոնի բանակը, (ճանչցուած իր թալաններով), պարտադրեց Պիոս 7-րդին վերակառուցանելու ամարանոցը։ 1870ին Հռոմ քաղաքը կը կցուի Իտալիոյ եւ այսպէսով վերջ կը տրուի քահանայապետական պետութեան։ Քահանայապետները կը լքեն Հռոմ եւ կ'ապաստանին Գասթել Կանտոլֆօ։
Լատերանեան դաշնագիրով 11 փետրուար 1929 Քՙահանայապետական ամարանոցը Իտալիայէն կը ճանչցուի որպէս Ս. Աթոռի սեփականութիւն ։ Պիոս 11-րդի օրով (1922-1939) Քահանայապետական ամարանոցը կը մեծնայ Վիլլա Պարպերինի ստացուածքով եւ երեք վայրերը կը վերակառուցին ծնունդ տալով ներկայ քահանայապետական ամարանոցին։