Святы Айцец прызначыў новага кіраўніка Адміністрацыі маёмасці Апостальскай Сталіцы
7 ліпеня, Святы Айцец
па просьбе кардынала Ацільё Нікоры, кіраўніка Бюро фінансавай інфармацыі Апостальскай
Сталіцы, вызваліў яго з пасады дырэктара Адміністрацыі маёмасці Апостальскай Сталіцы
і прызначыў яго пераемнікам арцыбіскупа Даменіка Кальканьё, арцыбіскупа Савоны-Нолі
на пенсіі, які да гэтага часу з’яўляўся Сакратаром гэтай дыкастэрыі.
У той
жа час, Яго Святасць прызначыў Сакратаром Адміністрацыі маёмасці Апостальскай Сталіцы
кс. прэлата Луіджы Місто, які да гэтага часу з’яўляўся дырэктарам Вышэйшага інстытута
рэлігійных даследаванняў і Амбразіянскага фонду Паўла VI. Кс. прэлат Місто займаў
таксама пасаду кіраўніка службы развіцця эканамічнай падтрымкі Касцёла ў Міланскай
архідыяцэзіі.