Копцкі епіскап лічыць, што ў Егіпце не існуе свабоды веравызнання
Вярхоўны адміністрацыйны
суд Егіпта выдаў пастанову, згодна з якой хрысціянам, што прынялі іслам, а потым вырашылі
вярнуцца ў хрысціянства, дазваляецца зноў атрымаць запіс у пашпарце або пасведчанні
аб нараджэнні, які сведчыць аб прыналежнасці да хрысціянства.
3 ліпеня Вярхоўны
суд пастанавіў, што Міністэрства ўнутраных спраў абавязана задавольваць прашэнні аб
падобным запісу аўтаматычна, не звяртаючыся ў суд для вырашэння кожнага асобнага выпадку.
Таксама суд абвінаваціў міністэрства ў тым, што раней яно адмаўляла ў падобных прашэннях.
У
сваю чаргу, епіскап Гізы Філапатр Джаміль выказаў сумнеў адносна выканання гэтай пастановы
на практыцы. “Праблема ў тым, што ўлады не хочуць выконваць пастановы суда, прынятыя
на нашу карысць”, - заявіў іерарх. “У справах аб пераходзе з адной рэлiгii ў другую
існуюць падвойныя стандарты. Калі хрысціяне вырашаюць перайсці ў іслам, яны атрымліваюць
у сваім рашэнні любую падтрымку, у тым ліку з боку ўладаў, і маментальна атрымліваюць
у пашпарце запіс аб новай рэлігіі, - распавёў епіскап. - Калі ж наадварот, мусульманін
прымае хрысціянства, ён сутыкаецца з разнастайнымі цяжкасцямі на сваім шляху, што
супярэчыць свабодзе веравызнання”.
На думку епіскапа, дюдзі, якія лічаць, што
Копты ў Егіпце карыстаюцца поўнай свабодай веравызнання, памыляюцца. “Нованавернутыя
хрысціяне павінны пераадолець мноства перашкод, каб проста даказаць сваё існаванне”.