Рым: у 2012 г. выстава дакументаў з Сакрэтнага архіва Ватыкана
5 ліпеня, у Залі Друку
Апостальскай Сталіцы адбылася прэс-канферэнцыя, падчас якой прайшла прэзентацыя выставы
“У таямніцы святла – Сакрэтны архіў Ватыкана раскрываецца”, якая адбудзецца ў Капіталійскіх
Музеях Рыма ў лютым 2012 г. На прэзентацыі выставы прысутнічаў кардынал Дзяржсакратар
Тарчызіо Бэртонэ.
Найбліжэйшы супрацоўнік Папы адзначыў, што выстава будзе
мець сваё ўнутранае багацце. Перш за ўсё таму, што адбудзецца па-за Ватыканам, на
Капіталійскім узгорку, які з’яўляецца сімвалам “сэрца” Рыму і яго адносін з горадам
Папы на працягу стагоддзяў.
Кардынал Дзяржсакратар падкрэсліў існаванне
дыялога і абмену дасведчаннямі, які паказалі Каталіцкі Касцёл і ўлады Рыма ў цяжкасцях
і супольных намаганнях для дасягнення агульных мэтаў. Іерарх сказаў, што супольны
“культурны праект мае самы высокі ўзровень. Вывучэнне гісторыі робіць людзей больш
адчувальнымі на пошук праўды і супольнага дабра”.
На выставе можна будзе ўбачыць
сотні дакуметаў, якія знаходзяцца ў Сакрэтным архіве Ватыкана. Выстава прымеркавана
да 400-годзя заснавання архіва. На ёй можна будзе ўбачыць: акты з працэсу над Галілео
Галілеем 1616-1633 г.г., ліст членаў Парламенту Англіі да папы Клімента VII аб разводзе
Генрыха VIII; “Dictatus Papae” Рыгора VII пра “верхавенства Папы”, ліст амерыканскіх
індзейцаў да папы Льва ХІІІ і некаторыя дакументы пра Другую сусветную вайну, з перыяду
“яшчэ закрытага”.