Dhunë në Irak. Sot paradite një shpërthim i dyfishtë në një ndërtesë qeveritare në
qytetin Taji, në veri të Bagdadit, ka shkaktuar vdekjen e 28 njerëzve, e plagosjen
e 58 të tjerëve. Kështu njoftoi ministri i Shëndetësisë, Khamis Al Saad. Ndërsa burime
të ministrisë së Brendshme flasin për 35 të vdekur. Teatër i atentateve, parkingu
i selisë së bashkisë së Tajit. Ndër viktimat e atentateve janë edhe agjentë policie,
punonjës të bashkisë e qytetarë civilë që ishin në resht për të tërhequr kartën e
identitetit.