Сірыя: Патрыярх заклікае прэзідэнта да міра і дыялогу з насельніцтвам
3 ліпеня Патрыярх
Сірыйскай Праваслаўнай Царквы Закка І Івас, скіраваў спецыяльнае пасланне на імя прэзідэнта
краіны Башара Асада. У ім іерарх заклікае кіраўніка краіны адмовіцца ад гвалту ў дачыненні
да насельніцтва, да дыялогу бакоў, што ўцягнуты ў канфлікт і выступае за ўстанаўленне
міру, бяспекі і стабільнасці ў краіне.
Патрыярх адзначыў, што “павялічэнне
свабоды і яе сур’ёзнае ўсведамленне ўзбагачаюць шматкультурнасць Сірыі, гарантуючы
ёй незалежнасць і годнасць, ствараючы атмасферу, у якой кожная асоба мае права на
свабоду веравызнання і выражэнне сваіх думак”.
Іерарх у звароце да прэзідэнта
Сірыі заахвоціў яго спрыяць ўмацаванню сацыяльнай справядлівасці ў краіне, ролі закону,
міру паміж грамадзянамі і адзінству. Патрыярх падкрэсліў, што хаос разбурае краіну
і яе адзінства. “Усе жыхары Сірыі, адзіным фронтам будуць супрацьстаяць замежным
планам , якія могуць пагражаць будучыні краіны”, - запэўніў прэзідэнта Сірыі Праваслаўны
Патрыярх Антыёхіі.