5 ліпеня Венесуэла
адзначае 200-годдзе абвяшчэння незалежнасці. З гэтай нагоды біскупы краіны скіравалі
адмысловае пастырскае пасланне да вернікаў. У сваім звароце яны адзначаюць, што “сацыяльна-палітычная
сітуацыя ў краіне кожны дзень становіцца усё больш цяжкай”. “Калі шматлікія краіны
свету перажываюць сістэматычнае, прагрэсіўнае і хуткае разціццё, то Венесуэла перажывае
сур’ёзны эканамічны і сацыяльны крызіс, які можа паўплываць на тое, што краіна застанецца
па-за пераменамі, якія дазволяць стаць на шлях сапраўднага развіцця”.
У гэтым
кантэксце біскупы нагадваюць цяжкую сітуацыю ў турмах, абразу рэлігійных выяваў, двухсэнсоўнасць
ў галіне аховы і абароны правоў чалавека і абыякавасць ўладаў на шматлікіх праблем,
што існуюць у краіне. Іерархі пішуць аб песімізме, які пануе ў асабістым, сямейным
і сацыяльным жыцці і які можа давесці да расчаравання і абыякавасці сярод жыхароў
краіны.
“200-годдзе абвяшчэння незалежнасці краіны з’яўляецца добрай нагодай
для перамен, неабходных для пабудовы нацыі вернай сваім каштоўнасцям: працы, салідарнасці
і братэрства”, - адзначаюць біскупы Венесуэлы. Іерархі дадаюць, што тэрміновым з’яўляецца
аднаўленне павагі да годнасці чалавечай асобы і яе правоў. “Грамадзянін павінен ўзяць
адказнасць за сваё жыццё і прыняць актыўную ролю ў пабудове агульнага дабра, павазе
да плюралізма і спрыянні дэмакратычнаму суіснаванню”, - пішуць у сваім пасланні венесуэльскія
каталіцкія іерархі.