Նարեկ Հախնազարեան՝ Չայքովսքիի Անուան Միջազգային Մրցանքի Մրցանակակիր ։
Ռուս աշխարհահռչակ յօրինող Փիօթըր Չայքովսքիի անուան միջազգային երաժշտական ականաւոր
մրցանքի թաւջութակի դասակարգին մէջ յաղթանակ արձանագրած է Հայաստանի ներկայացուցիչ Նարեկ
Հախնազարեան: Այդ դասակարգին մէջ աւարտական հանգրուան անցած էին հինգ երկիրներու`
Իտալիոյ, Գերմանիոյ, Պիելոռուսիոյ, Ֆրանսայի եւ Հայաստանի ներկայացուցիչները: Երկրորդ
եւ երրորդ դիրքերը գրաւած են համապատասխանաբար Ֆրանսայի եւ Պիելոռուսիոյ ներկայացուցիչները:
Հախնազարեան իբրեւ պարգեւ պիտի ստանայ քսան հազար Էուրոյի գումար մը: Դաշնակի դասակարգին
առաջնութիւնը շահած, Ռուսիան ներկայացնող Տանիլ Թրիֆոնով Քլիվլենտի երաժշտական ակադեմիային
մէջ դասաւանդող հայազգի Սերկէյ Պապայեանի աշակերտն է: