Պենետիկտոս ԺԶ Սրբազան Քահանայապետի Գործունէութիւնը

Ուրբաթ մէկ Յուլիս 2011, Տօն Յիսուսի Ամենասուրբ Սրտին. այս առաւօտ ժամը 11ին Նորին Սրբութիւնը ունկնդրութիւն շնորհեց Մակի Պարենամթերային Ու Գիւղատնտեսական Կազմակերպութեան՝ (FAO ի) ընդհանուր ժողովի 400 մասնակցողներուն որոնք յունիս 25էն յուլիս 2 Հռոմի մէջ գումարած էին իրենց 37րդ վեհաժողովը եւ որուն ընթաքին ընտրեցին նոր ընդհանուր Տնօրէնը՝ յանձին պրազիլցի Խօսէ Կրացիանօ Տա Սիլվայի։
Նշենք որ Մակի Պարենամթերային ու Գիւղատնտեսական Կազմակերպութիւնը հիմնուած է 1945-ին, Գանատայի Քէպէք նահանգին մէջ։
Նորին Սրբութիւնը ժամը 12ին ընդունեց Չիլէի Սանդիակօ Տէ Չիլէի Արքեպիսկոպոսը՝ Գերապայծառ Ռիգարտօ Էծծադի Անտրէլլօ։ Իսկ ժամը մէկին Սրբազան Քահանայապետը մասնակցեցաւ իր քահանայական ձեռնադրութեան 60 ամեակի առթիւ կարտինալական դասի նախաձեռնութեամբ սարքուած ՝ սիրոյ սեղանին։
Իսկ յետ միջօրէին Պենետիկտոս ԺԶ Սրբազան Քահանայապետը ընդունեց Հաւատոյ Ժողովի Կառավարիչը՝ Կարտինալ Ուիլլիամ Ժոզէֆ Լէվատան։