Ватыкан падтрымлівае перадачу касцёлаў Праваслаўнай Царкве
Ватыкан падтрымлівае
перадачу каталіцкіх храмаў Праваслаўнай Царкве. Сённяшнее "L'Osservatore Romano" прысвячае
шмат месца на рэпартаж аб перадачы двух каталіцкіх касцёлаў у Перуджы Румынскай і
Рускай Праваслаўным Цэрквам. Гэта два гістарычных храмы горада: св. Фларэнція і св.
Мацвея Армянскага.
"Osservatore" цытуе арцыбіскупа Перуджы Гуальцьеро Басэцці,
які адзначыў, што падзея – "гэта важны жэст экуменізму, будаванне шляхоў прымірэння
і адносін паміж Цэрквамі". Генеральны вікарый архідыяцэзіі Паола Джулецці сказаў,
што "перадача двух храмаў з'яўляецца знакам часу і адлюстроўвае жаданне сардэчнага
прыняцца нашых братоў і сясцёр у веры".
Як паведаміў кіраўнік дыяцэзіяльнага
бюро па экуменічным і міжрэлігійным дыялогу, кс. прэлат Эліо Бромуры, святочная цырымонія
пераказання касцёлаў адбудзецца ў верасні ў Перуджы, у прысутнасці іерархаў Румынскай
і Рускай Праваслаўных епархій у Італіі. Бромуры нагадаў, што ў Перуджы пасля Другога
Ватыканскага Сабора, існуе моцны экуменічны рух, вынікам якога стала супрацоўніцтва,
у прыватнасці, вальдэнсаў і праваслаўных. Некалькі гадоў таму адзін з касцёлаў горада
ўжо быў перададзены Грэцкай Праваслаўнай Царкве.
Рашэнне аб перадачы двух
касцёлаў было прынята з улікам вялікай хвалі эмігрантаў з Румыніі і Паўднёвай Расіі.
У касцёле св. Мацвея Армянскага, які будзе перададзены Рускай Праваслаўнай Царкве,
з дапамогай муніцыпалітэта ў будучыні паўстане цэнтр міжканфесійнага і міжрэлігійнага
дыялогу.