Паводле ацэнак ФАО
– Харчовай і сельскагаспадарчай арганізацыі ААН, сёння ў свеце церпіць ад голаду 925
млн. чалавек. Гэтыя лічбы не былі яшчэ ніколі настолькі высокімі, як пасля крызісу
2009 г. З 925 млн. галадаючых, 239 млн. жыве ў краінах Афрыкі на поўдзень ад Сахары.
Дзве трыція ўсіх церпячых ад голаду жывуць толькі ў сямі краінах: Бангладэшы, Кітаі,
Эфіёпіі, Індыі, Інданэзіі, Пакістане і Дэмакратычнай Рэспубліцы Конга. Апошняя з'яўляецца
адной з прыярытэтных краін для дапамогі з боку каталіцкай “Caritas”.
Па дадзеных
аанаўскіх арганізацый для дапамогі дзецям, 195 млн. дзяцей ва ўсім свеце ва ўзросце
да пяці гадоў хранічна недаядаюць. Дзякуючы эфектыўным мерам у галіне харчавання,
здароўя і медыцынскай дапамогі з 1990 г. па ўсім свеце колькасць такіх дзяцей паменшылася,
але ў Афрыцы на поўдзень ад Сахары, яна ўзрасла з 43 млн. да 52 млн. чалавек.
У
правінцыі Катанга, на поўдні Дэмакратычнай Рэспублікі Конга, харчовая сітуацыя асабліва
драматычная: кожнае пятае дзіцяці з-за недаядання адстае ў сваім развіцці. Адзін з
сямі дарослых галадае. У некаторых іншых рэгіёнах, кожны чацвёрты чалавек галодны.
"Голад – гэта нямая драма. Людзі паміраюць моўчкі. Не існуе ніякага пратэсту", - сказаў
кіраўнік аўстрыйскай “Caritas” Франц Кюбэрль пасля інспекцыі ў рэгіёне.
У некаторых
рэгіёнах Катангі сітуацыя яшчэ горшая, як распавяла супрацоўніца ФАО Нэлі Кангола.
Бо, напрыклад, у рэгіёне Лібудзі 45% усіх дзяцей адстае ў развіцці, а адзін з чатырох
нованароджаных мае экстрэмальна нізкую вагу.