Кс. прэлат Гвідо Марыні аб ўрачыстасці св. апосталаў Пятра і Паўла
29 чэрвеня Каталіцкі
Касцёл будзе адзначаць урачыстасць св. апосталаў Пятра і Паўла. У інтэрв’ю нашаму
радыё кс. прэлат Гвідо Марыні, кіраўнік службы папскіх літургічных цэлебрацый, расказаў,
што гэта ўрачыстасць з’яўляецца вельмі важнай з двух прычын: з аднаго боку мы вызнаём
разам з апосталам Пятром нашу веру ў Хрыста, а з другога разам з апосталам Паўлам
абвяшчаем наш намер прапаведваць Евангелле ўсяму свету.
Кіраўнік службы папскіх
цэлебрацый нагадаў, што ў 1951 г., ў свята св. апосталаў Пятра і Паўла, папа Бэнэдыкт
ХVI прыняў святарскія пасвячэнні. “Менавіта дзякуючы гэтаму супадзенню, сёлетняя
урачыстасць будзе мець асаблівае значэнне. У базыліцы св. Пятра літургію будуць суправаджаць,
акрамя Сікстынскай капэллы, хор з рымскай Акадэміі св. Цэцыліі, а таксама аркестр.
Яны выканаюць музычныя творы, сярод якіх некаторыя часткі славутай “Messa di Рapa
Marcello”. Падчас набажэнства ў базыліцы св. Пятра вернікі будуць маліцца за папу
Бэнэдыкта ХVI і яго пантыфікат”, - адзначыў іерарх.
“Мы ў св. апосталах бачым
перш за усё фундаменты, калоны Касцёла ў мінулым, сёння і заўсёды, якія скіроўваюць
нас да веры Пятра, якую на працягу гісторыі падцвярджалі яго наступнікі і сёння Бэнэдыкт
XVI, - сказаў кс. прэлат - таму, у гэты oрачысты дзень мы гаворым аб любові і вернасці
да Касцёла, якую мы заўсёды павінны аднаўляць з радасцю, энтузіазмам і вялікім цярпеннем”.
“Я думаю, гэта галоўнае пасланне, што дае нам 29 чэрвеня кожны год”, сказаў кіраўнік
службы папскіх літургічных цэлебрацый.