Расчараванне і шкадаванне
выразіла Канферэнцыя Каталіцкіх Біскупаў штата Н’ю Ёрк, пасля прыняцця мясцовым сенатам
закона, які легалізуе аднаполыя шлюбы. Н’ю Ёрк, стаў шостым амерыканскім штатам у
якім дазволены саюзы паміж людзьмі аднаго пола, пасля Аёва, Н’ю Хэмпшыр, Масачусец,
Канектыкут і Вермант. Іерархі кажуць аб павазе да людзей з гомасэксуальнай арыентацыяй,
але звяртаюць увагу на важнасць сужэнства, як саюза мужчыны і жанчыны, саюза адкрытага
на жыццё.
“Адной з галоўных мэтаў сужэнства з’яўляецца перадача жыцця”, -
адзначаюць біскупы - Такое разуменне сужэнства не можа змяніцца, і мы разумеем, што
нашы перакананні аб яго прыродзе, могуць стаць нагодай для санкцый супраць Касцёла
і рэлігійных арганізацый, якія прапаведваюць гэту праўду”. Амерыканскія іерархі адзначаюць,
што сям’і і сужэнству зараз вельмі пагражаюць законы, з дапамогай якіх спрабуюць перавызначыць
фундаменты цывілізацыі.
Амерыканскія біскупы заклікаюць палітыкаў займацца
вырашэннем праблем звязаных з крызісам і беспрацоўем, а таксама прапанавалі ўсім каталіцкім
школам, у знак пратэста, адмаўляцца ад розных формаў ушанавання, тых палітыкаў, якія
галасавалі за закон аб гомасэксуальных шлюбах.