25 чэрвеня, у нямецкім
горадзе Любэк адбылася беатыфікацыя трох маладых нямецкіх святароў Ёханэса Праска,
Германа Лангэ і Эдуарда Мюллера, якія былі забіты нацыстамі у 1943 годзе. Святую
беатыфікацыйную Імшу ўзначаліў кардынал Анджэла Амата, прэфект Кангрэгацыі па справах
Кананізацыі. Канцэлебраваў Эўхарыстыю кардынал Вальтэр Каспер, былы старшыня Папскай
рады спрыяння хрысціянскаму адзінству.
Пасля прыходу да ўлады ў Германіі нацыстаў,
благаслаўлённыя сёння святары адкрыта выступілі ў абарону праўды і годнасці чалавека.
Абвінавачаныя нацыскім Трыбуналам за “разлажэнне маральнасці сярод нямецкіх салдатаў,
за дапамогу ворагам краіны і слуханне варожых радыёстанцый” яны былі прыгавораны да
смяротнага пакарання. У інтэрвью нашаму радыё кардынал Амата, адзначыў, што важнай
з’яўляецца дзейнасць святароў у абароне маральнасці і павагі да жыцця.
“Яны
ведалі аб цяжкасці сваёй сітуацыі і ў той жа час былі ўпэўнены, што павінны бараніць
Касцёл і Каталіцкую веру ад нападаў рэжыма. У дзень казні яны прынялі святыя сакрамэнты
і выказалі прабачэнне сваім забойцам. Іх суправаджаў каталіцкі святар, які такім чынам
стаў сведкам іх паставы і прабачэння палачоў”.
Падчас сённяшняй беатыфікацыі
кардынал Каспер адзначыў у сваёй гаміліі, што прыклад новых благаслаўлёных паказвае
нам, што значыць быць хрысціянінам. “Яны нам паказваюць, што ў той час былі не толькі
тыя, хто выконваў злачынныя загады, аслепленыя ці баязліўцы, - сказаў іерарх - Існавала
і іншая Германія. Былі адважныя хрысціяне, якія не схілялі галавы перад рэжымам, не
прымалі яго рашэнні. Таксама і сённяшні свет мае патрэбу у такіх сведках веры, бо
хрысціянства з’яўляюцца канфесіяй, якую пераследуюць ва ўсім свеце”. Кардынал Каспер,
адзначыў, што “толькі называцца хрысціянінам яшчэ нічога не значыць”. “Мы веруючыя
маем патрэбу ў сведках веры. - сказаў іерарх - У кантэксце крызіса даверу да хрысціянства
толькі сведкі могуць здзейсніць сапраўднае перакананне. Вось чаму пакутнікі з Любэка
даюць нам той прыклад, які мы павінны наследаваць”. “Гэтыя мужныя сведкі веры з’яўляюцца
прыкладам для тых, хто працуе для будучыні хрысціянства і для пабудовы хрысціянска-гуманістычнай
культуры у нашай краіне!”, - сказаў нямецкі кардынал.