Պենետիկտոս ԺԶ Սրբազան Քահանայապետին Գործունէութիւնը։

Ուրբաթ 24 յունիս 2011 ի առաւօտեան ժամը 11ին նորին սրբութիւնը իր գրասենեակի մէջ ընդունեց Մոնթէնէկրօ հանրապետութեան Վարչապէտը՝ Տիար Իկոր Լուքսիչ ու անոր ընկերացող շքախումբը Սուրբ Աթոռի ու Մոնթէնէկրոյի միջեւ համաձայնագիրի ստորագրութեան առիթով։ Ժամը 11.30-ին Սրբազան Քահանայապետը ընդունեց Աշխարհականներու Քահանայապետական խորհուրդի նախագահ՝ Կարտինալ Սթանիսլավ Ռիլքոն։
Հուսկ՝ ժամը 12ին Գլեմենթինա սրահին մէջ , Պենետիկտոս ԺԶ Սրբազան Քահանայապետը ունկնդրութիւն շնորհեց ROACO-ի միջին արեւելքի եկեղեցիներու օգնութեան բարեսիրական մարմիններու միութեան 84 համաժողովի մասնակիցները։
Յետ միջօրէի ժամը 6ին՝ Սրբազան Քահանայապետը ընդունեց Ժողովուրդներու աւետարանութեան Ժողովի կառավարիչ՝ Գերապայծառ ֆէրնանտօ ֆիլոնին։