Papa: Zoti na dhuroftë shumë thirrje meshtarake për botën dhe Kishën
Papa Benedikti XVI, që me 29 qershorin e ardhshëm feston 60 vjetorin e shugurimit
të tij meshtarak, sot iu lut Zotit që “ti paj Kishës e botës veprimtarë të shumtë
e të zellshëm të Ungjillit”. Ati i Shenjtë Racinger në audiencë me Asamblenë e
Bashkimit të Veprave Ndihmë Kishave Lindore (R.O.A.C.O.) kujtoi se po afrohet Solemniteti
i shën Pjetrit e shën Palit Apostuj, dhe se sivjet, festa përkon edhe me një kremtim
tjetër fatlum për të: “Në këtë ditë do të falënderoj Bariun e Mirë, Jezusin, në
60-vjetorin e Shugurimit tim meshtarak. Jam shumë mirënjohës për lutjen e urimin tuaj,
dhuratë që më kënaq pa masë. Ju kërkoj t’i luteni, bashkë me mua, “ Zotit të të korrave”
(Mt. 9.38) t’i sigurojë Kishës e botës veprimtarë korrës të zellshëm në arat e pafundme
të Ungjillit”.