Кардынал Антоніос
Нагіб, Патрыярх коптскага каталіцкага Касцёла ў Егіпце ў інтэрв’ю нашаму радыё, расказаў,
што пасля падзення рэжыма прэзідэнта Мубарака сітуацыя хрысціян у Егіпце не змянілася
радыкальным чынам. “Мы маем такія самыя праблемы як раней”,- адзначыў іерарх.
На
думку Патрыярха новы ўрад прыняў першыя “пазітыўныя меры” для абароны хрысціянскай
меншасці і спынення канфліктаў паміж рэлігіямі. “Да гэтага часу аднак не былі ліквідаваны
глыбокія прычыны канфлікту, а гэта трэба рабіць з дапамогай прававых мераў і адпаведнага
заканадаўства”, - сказаў кардынал Антоніос Нагіб.
Патрыярх падкрэсліў, што
ў цэлым краіна зрабіла вялікі крок наперад. Самым вялікім поспехам іерарх назваў пачатак
вялікай барацьбы з карумпаванай дзяржаўнай сістэмай. “Вядома, што існуе шмат цяжкасцяў,
але яны маюць меншы аб’ём і тычацца не толькі хрысціян, але ўсіх жыхароў краіны”,
- адзначыў у інтэрв’ю Ватыканскаму Радыё кардынал Антоніос Нагіб.