Еўропа мае патрэбу у крытычным голасе хрысціянства
Еўропе пагражае самагубства
цывілізацыі, таму ёй неабходна творчая роля рэлігіі. Да такіх высноў прыйшлі удзельнікі
канферэнцыі аб ролі хрысціянства ў эканоміцы якая прайшла ў амерыканскім горадзе Гранд-Рапідс
(штат Мічыган).
У Еўропе беспрацоўе ў чатыры разы вышэй, чым у ЗША і амаль
у два разы ніжэйшыя эканамічныя паказчыкі. Існуюць таксама і дэмаграфічныя праблемы,
аб чым сведчыць адмоўны прырост насельніцтва і той факт, што ў 2050 годзе будзе ў
два разы больш людзей пенсійнага ўзросту, чым цяпер. Многія сучасныя мысліцелі, сярод
якіх і Папа Бэнэдыкт XVI прыгадваюць, што рэлігія - асабліва каталіцызм - у цяперашні
час павінна адыгрываць ключавую ролю ў Еўропе.
“Еўропа мае патрэбу ў канкрэтным
сведчанні веры ў чалавека і яго творчыя здольнасці, - гавораць удзельнікі канферэнцыі
ў ЗША - Хрысціянства павінна быць крытычным голасам Старога Кантынэнту, які будзе
ясна нагадваць пра непрадбачлівасць эканомікі, якая не бярэ пад ўвагу наступныя пакаленні.
Рэлігія можа таксама надаць мужнасці еўрапейцам ў прыняцці важных грамадскіх рэформ.
Гэта патрабуе ад католікаў крытычнай і творчай пазіцыі ў сацыяльнымі і эканамічным
жыцці грамадства”.