Մերի Տէր Բարսեղեան՝ Լաւագոյն Իրաւաբաններու Շարքին «Լոս Անճելըս Մեկըզին» թերթի Յունիսի
թիւին մէջ լոյս տեսած շրջանի լաւագոյն իրաւաբաններու շարքին է հայ իրաւաբան Մերի Տէր
Բարսեղեանը, որ դասուած է «Բարձրացող աստղեր» ցուցակին մէջ: «Գեր իրաւաբաններ» ընդհանուր
դասաւորման մաս կազմող սոյն ցուցակին մէջ կ՛ընգրկուին այլ իրաւաբաններու կողմէ թեկնածու
նկատուած իրաւաբաններ:
Այվազովսկիի Նկարը Վաճառուած Է 1.2 Միլիոն Տոլարով Շուէտական
Ուփսալա քաղաքին մէջ, Յունիս 14ին տեղի ունեցած աճուրդին ընթացքին, 1.2 միլիոն տոլարով
վաճառուած է աշխարհահռչակ հայ նկարիչ Յովհաննէս Այվազովսկիի մէկ գործը: Ըստ «ՌԻԱ Նովոսթի»ին,
«Մարտ՝ յանուն Պոմարսունտի» կոչուող նկարը, որ կը գտնուէր հին իրերով լեցուած արկղի մը
մէջ, թուագրուած է 1858: Նկարը գտնուած է Սթոքհոլմի «Մեթրոփոլ» անուան աճուրդային կազմակերպութեան
մօտ: