ԷՋ ՄԸ ՀԱՅ ԵՐԱԺՇՏՈՒԹԵՆԷՆ

Անտրէյ Պապայեւ
Հայ Երաժշտահան Անտրէյ Պապայեւ՝ Ծնած է 27 դեկտեմբեր 1923-ին, Լեռնային Ղարաբաղի Մարտունի շրջանի Մսմնա գիւղին մէջ։ Եղած է Խորհրդային Միութեան Հայաստանի արուեստի վաստակաւոր գործիչ։ Իր երաժշտական կրթութիւնը ստացած է Պագուի երաժշտանոցի մէջ, որուն ստեղծագործական բաժինը աւարտած է 1950-ին. ապա մեկնած՝ Մոսկուա կատարելագործելու մասնագիտութիւնը Մոսկուայի երաժշտանոցի մէջ։
Վերադառնալով Պագու ամբողջովին նուիրուած է ստեղծագործական աշխատանքի ու գրած շարք մը երկեր (Սէնֆոնիներ, գանդադներ, սէնֆոնիք սուիթներ, երգեր ու խմբերգներ)։ Անոր ՜՜Արծուաբերդ՝՝ օփերան բեմադրուած է Երեւանի Ալ. Սպենդիարեանի անուան օփերայի եւ Պալէդի պետական ակադեմիական թատրոնին մէջ ու մեծ յաջողութեան արժանացած. նաեւ՝ Մոսկուայի Կեդրոնական հեռուստատեսութեամբ, ու Սվերդլովսքիի Կազանի ու այլ քաղաքներու մէջ։ Հայազգի երաժշտահան Անտրէյ Պապայեւի վերջին ծաւալուն ստեղծագործութիւնը եղաւ ՜՜Պաղտասար Աղբար՝՝ օփերան որ մնաց անաւարտ։ Ան Մահացաւ 21 հոկտեմբեր 1964-ին Մոսկուայի մէջ։