Бэнэдыкт XVI да біскупаў з Індыі: умацоўвайце сваю сувязь са святарамі
17 чэрвеня папа Бэнэдыкт
ХVI прыняў на аўдыенцыі біскупаў з Індыі, якія прыбылі ў Ватыкан з візітам “Ad limina
apostolorum”. У сваёй прамове Святы Айцец заклікаў іерархаў умацоўваць сувязь са святарамі.
Папа сказаў: “Заклікаю вас да сведчання любові і служэння паміж вамі і вашымі святарамі,
без адрознівання іх этнічнай ці каставай прыналежнасці”. “Вы павінны аказваць ім падтрымку,
як найбліжэйшым супрацоўнікам, і быць уважлівымі да іх патрэбаў і імкненняў, праяўляючы
клопат аб іх духоўным, інтэлектуальным і матарыяльным дабрабыце”, адзначыў Пантыфік.
“Святары,
са свайго боку, пакліканы паважаць ваш аўтарытэт і з радасцю, пакорай і поўнай адданасцю
працаваць для дабра Касцёла, але заўсёды пад вашым кіраўніцтвам”, - нагадаў Святы
Айцец. Пантыфік адзначыў, што братэрская любоў і блізкае супрацоўніцтва са святарамі
могуць стаць асновай для пераадолення магчымых напружанняў”.
“Вернікі глядзяць
на вас і вашых святароў як на мадэль святасці, сяброўства і згоды, якая прамаўляе
да іх сэрцаў і навучае, як трэба жыць запаведзю любові”, - падкрэсліў Папа. Бэнэдыкт
ХVI таксама выказаў удзячнасць за ўклад, які зрабілі ў жыццё Касцёла ў Індыі манаскія
супольнасці, асабліва жаночыя.