Obama e Petraeus flasin për reduktime ushtarake nga Afganistani
Presidenti amerikan, Barak Obama, është takuar me komandantin më të lartë ushtarak
të NATO-s dhe të SHBA-ve, në Afganistan, Deivid Petraeus, për të diskutuar një varg
opsionesh për fillimin e tërheqjes së forcave amerikane nga Aganistani, në muajin
korrik. Zëdhënësi i Shtëpisë së Bardhë, Xhej Karni, tha se gjenerali Petraeus, së
bashku me anëtarët e tjerë të ekipit për siguri kombëtare të SHBA-ve, u takuan me
Obamën mbrëmë në Shtëpinë e Bardhë. Sipas Karnit, Petraeus ka paraqitur “një varg
të opsioneve” për reduktimin e trupave amerikane në Afganistan, por nuk ka dhënë detaje
për këtë. Tani pritet që presidenti Obama, do ta shpallë publikisht vendimin për uljen
e numrit të trupave amerikane në Afganistan. Aktualisht, në Afganistan gjenden afro
100 mijë ushtarë amerikanë.