Më 17 qershor kalendari Kishtar përkujton Shën Ranierin
Më 17 qershor kalendari Kishtar përkujton shën Ranierin, pajtor qiellor i qytetit
të Pizës. Shën Ranieri, lindi në Pizë të Italisë, nč një familje fisnikësh. Pasi
kaloi një rini të bujshme, vendosi të bëhej murg e të jetonte në varfëri të plotë.
Për të realizuar qëllimin, u nis për Jerusalem. Vizitoi së pari malin Tabor, ku u
gjunjëzua në lutje për 40 ditë e 40 net. Pastaj vijoi të shtegtonte për shtatë
vjet me radhë në vise të tjera të Tokë së Shenjtë, duke u ushqyer vetëm me bukë e
ujë. U kthye përsëri në qytetin e Pizës, së bashku me ambasadorin e republikës pizane
dhe u vendos në kuvendin e Shën Vitos. Ndërroi jetë më 17 qershor të vitit 1161
në moshën 43 vjeçare. Shumë mrekulli u kryen atë ditë, ndërmjet të cilave kujtojmë
se, ndërsa trupi i shenjtit zbriste në banesën e mbrame, pra në varr, të gjitha kambanat
e Kishave të qytetit ranë përnjëherësh, pa i prekur asnjë dorë njerëzore. Reliket
Shën Ranierit ruhen në Kishën Katedrale të Pizës.