19 чэрвеня у францускім
горадзе Дакс пройдзе беатыфікацыя законніцы Маргарыты Рутан. Святую беатыфікацыйную
Імшу будзе цэлебраваць кардынал Анджэла Амато, прэфект Кангрэгацыі па справах Кананізацыі.
Маргарыта Рутан нарадзілася 23 красавіка 1736 г. у горадзе Метц, у сям’і рабочага.
Яе бацька з цягам часу стаў вядомым архітэктарам і прадпрымальнікам. Сваім дзецям,
якіх было 8, даў добрае выхаванне.
“Маргарыта маючы 21 год уступіла ў Ордэн
Дачок Міласэрнасці, які меў сваю сядзібу ў Парыжы. - сказаў кардынал Анджэло Амато
- Яна на працягу 37 гадоў, аж да самай смерці служыла бедным у шматлікіх бальніцах
Францыі. У 1773 г. будучая благаслаўлёна была прызначана на працу ў Дакс, дзе як настаяцельніца
манаскага ордэну служыла з стараннасцю і прафесійнасцю хворым, бедным і сваім законным
сёстрам”.
“Падчас Французскай рэфалюцыі ў 1793 г. сястра Маргарыта Рутан была
арыштавана і пасля двух гадоў поўнай ізаляцыі была прыгаворана да смяротнага пакарання.
Прыгавор суда быў здзейснены 9 красавіка 1794 г.”, - расказаў прэфект Кангрэгацыі
па справах Кананізацыі.
Маргарыта Рутан была безпадстаўна абвінавачана ў сабатажы
рэвалюцыі. “Парадаксальна, французскія рэвалюцыянеры ў імя свабоды адмаўлялі іншым
у праве на свабоду верывызнання і сумлення - сказаў кардынал. - Рэвалюцыя прывяла
не да раю на зямлі, але да тэррору, дзе словы свабоды, роўнасці і братэрства былі
апаганены. На самой справе толькі праз Евангелле гэтыя словы адпавядаюць праўдзе,
таму што звязаны са словам, якое дае ім сапраўднае значэнне – любоў”.
“Французскія
рэвалюцыянеры былі відавочнымі ворагамі Ордэну Дачок Міласэрнасці, бо праз сваё адданае
служэнне бедным і хворым не адпавядалі абвінавачванням у тым, што законніцы гэта
паразіты грамадства”, - адзначыў кардынал Анджэла Амато.