16-17 чэрвеня з нагоды
другой гадавіны апублікавання папам Бэнэдыктам ХVI энцыклікі “Caritas in veritate”
(“Любоў у праўдзе”), ў Ватыкане праходзіць сустрэча, прысвечаная этыцы ў бізнэсе.
Арганізатарам гэтага мерапрыемтва з’яўляецца Папская рада “Iustitia et Pax” і яго
мэта палягае ў тым, каб даць, канкрэтныя адказы на пытанні, што закрануў Пантыфік
ў сваёй энцыкліцы, а таксама ў святле гэтага дакумента абмеркаваць новую эканамічную
рэальнасць, выкліканую фінансавым крызісам. У форуме прымаюць удзел шматлікія каталіцкія
іерархі, а таксама прадстаўнікі свету эканомікі і фінансаў: кіраўнікі прадпрыемстваў,
фінансісты і навукоўцы.
Падчас сустрэчы, якая будзе працягвацца два дні, размова
будзе ісці аб укладзе прадпрыемстваў у эканамічны рост, этыцы і прыбытку, любові
і праўдзе ў свеце біснесу. Падчас дыскусій ўдзельнікі форума абмяркуюць магчымы
вобраз сучаснага кіраўніка біснесу, які павінен кіравацца этыкай і інтэгральнасцю.
Тэмай для разважанняў будуць думкі Папы, аб тым, што “любоў у праўдзе з’яўляецца асноўнай
сілай для сапраўднага развіцця кожнага чалавека і ўсяго чалавецтва”. На заканчэнне
сустрэчы яе ўдзельнікі вызначаць агульныя накірункі, якія зробяць эканоміку і фінансы
больш абпаведнымі годнасці чалавека і агульнаму дабру.