Siri, ushtria përforcon pozicionet në qytetet e veriut
Në Siri përforcohen pozicionet e ushtrisë me tanke e mjete tjera ushtarake rreth Maarat
al-Numann, qytetit verior, pasi mijëra njerëz kanë ikur si pasojë e represionit të
protestave kundër presidentit Bashar al-Assad. Rezidentët e grupeve siriane për
të drejtat e njeriut thanë se me dhjetëra tanke e mjete tjera ushtarake për transportin
e trupave të armatosura janë dislokuar rreth Khan Sheikhounit, qytetit që gjenden
afër 30 km në jug të Maarat a-Numaan në autostradën kryesore që lidhë Damaskun e
Aleppo. Represionet ushtarake kanë detyruar mijëra refugjatë të ikin përmes kufirit
drejt Turqisë, ku ministri i Jashtëm turk Ahmed Davutoglu pati bisedime me një të
dërguar sirian, gjatë të cilave i ka kërkuar Damaskut t’i jap fund shtypjes së manifestuesve
e të nis sa më parë reformat demokratike në Vend. Grupet siriane për të drejtat
e njeriut flasin për 1.300 civilë e mase 300 ushtarë e policë të vdekur që kur kanë
shpërthyer protestat në mars, të frymëzuara nga revoltat që detyruar dorëheqjen e
liderëve të Egjiptit e të Tunizisë. Assad, aleat i Iranit shiitë e mbështetës i
grupeve ushtarake Hamas e Hezbollah, ka marrë dënimin e menjëhershëm nga ana e bashkësisë
ndërkombëtare por e vetmja përgjigje konkrete ndaj represionit ka ardhur nga SHBS-së
e BE-ja, që kanë imponuar sanksione kundër presidentit sirian e aleatëve më të ngushtë.